“Zgjohem më shpejtë nga të gjithë ju dhe fle më vonë”, Rama kritika socialistëve: Shumë prej jush mendoni se pushteti politik tërheq prej hundësh gjyqësorin

Nuk i kurseu as të vetët, në Asamblenë Kombëtare, Kryeministri Edi Rama i ka kushtuar një pjesë të fjalimit ët tij, socialistëve dhe ëndrrës së tij për Shqipërinë Evropiane. Kryeministri Edi Rama iu është drejtuar socialistëve duke u thënë se disa prej tyre mendojnë se pushteti politik, tërheq prej hundësh pushtetin gjyqësor.

Drejtësia e pavarur, thekson vazhdimisht Kryeministri është përgjegjësia dhe detyrimi më i madh për qeverinë socialiste, ku shpreh mbështetjen absolute të SPAK.

Edi Rama: Shikojeni momentalisht se çfarë po diskutohet mes nesh dhe Greqisë, ose më saktë çfarë po kërkojnë ata nga ne, si ndodh kjo, që qeveria greke nuk dëgjon asnjë argument. Ajo është një çështje për të cilat organet e reja të drejtësisë kanë dhënë vendimet e tyre. Ne skemi asnjë debat real për të bërë me palën greke, e nisa këtu, sepse raporti i lirisë i përmbysur kokë e këmbë nga vullneti politik, është qasja jonë e re ndaj drejtësisë. Ne mbështesim dhe inkurajojmë pa kushte organet e reja të drejtësisë, është një qasje që bie ndesh me incercinë e 111 viteve. Shumë edhe prej jush këtu mendojnë se pushteti politik, tërheq prej hundësh pushtetin gjyqësor. Duhet ta dini shumë mirë se nga minuta e parë e jetës e kësaj qeverie nën drejtimin tim, drejtësia e pavarur është kryebeteja e Partisë Socialiste.

Rama ka treguar ëndrrën e tij: Shqipëria Evropiane. Ëndrra më e madhe rrëfen Kryeministri, e cila e mban zgjuar dhe në këmbë, për të cilën thotë se ka qenë dhe qëllimi për të cilin është futur në politikë, duke mbajtur mbi supe sipas tij baltën e gjithë këtyre viteve.

Rama: Shqipëria Europiane për mua është ëndrra më e madhe me sy hapur, më zgjon më shpejt nga të gjithë ju, më mban në këmbë më gjatë se të gjithë ju, dhe më bën të fle më vonë se të gjithë ju. Se di sa prej jush mendojnë megjithë zemër se këtë vend mua ta bëjë vetëm Partia Socialistëve. Po të mos e shikoja ëndrrën e Shqipërisë Europiane as që do të kisha hyrë në politikë, dhe as do mbaja në kurriz dhe në fytyrë më shumë sesa të gjithë ju së bashku.