SHBA tha sot se Rusia ka treguar se nuk është një “partner i besueshëm”, pas sulmit të Azerbajxhanit ndaj Nagorno-Karabakut dhe akuzave të Armenisë se Moska nuk i mbështet ato.
“Rusia ka treguar se nuk është një aleat i besueshëm,” tha zëdhënësi i Departamentit të Shtetit, Matthew Miller, kur u pyet nga gazetarët për këtë çështje.
Të dielën, kryeministri armen Nikol Pashinyan fajësoi drejtpërdrejt Moskën, duke i quajtur aleancat e vendit të tij “të paefektshme”, diçka që Rusia e kundërshton.
Zëdhënësi i Departamentit të Shtetit shprehu gjithashtu “shqetësimin e thellë” të SHBA-së për fatin e banorëve armenë të Nagorno-Karabakh, duke theksuar se ajo “miraton” thirrjet për vendosjen e një misioni ndërkombëtar në rajon për të sjellë transparencë dhe për të siguruar civilët. Ai ka shtuar se për këtë çështje janë duke u zhvilluar “diskutime”, por pa dhënë detaje të tjera.
Miller bëri thirrje që të vazhdojë të respektohet armëpushimi, të plotësohen nevojat humanitare të popullsisë dhe të rifillojnë bisedimet e paqes midis Azerbajxhanit dhe Armenisë.
Discussion about this post