Një shofer i akuzuar për përplasjen dhe vrasjen e një oficeri policie që i shkoi në ndihmë kur e zuri gjumi, i dehur, në timonin e makinës së tij në vitin 2020, është në gjyq në Francë duke filluar nga sot.
Të pranishëm në sallën e gjyqit ishin shumë punonjës policie, përfshirë dy kolegët e viktimës, të cilët ishin me të natën e tragjedisë dhe kanë bërë padi civile, së bashku me të venë dhe tre fëmijët e tij.
Natën e 5-6 gushtit 2020, policia mori një telefonatë nga zjarrfikësja për të ndihmuar “një shofer të dehur që e zuri gjumi në mes të rrugës” pranë stacionit të trenit Mans në Francën perëndimore. Polici 43-vjeçar dhe dy kolegët e tij shkuan në vendngjarje, por nuk mundën ta nxirrnin shoferin nga gjumi.
Në momentin që do të thyenin njërën nga xhamat e mjetit, drejtuesi i mjetit është zgjuar dhe pas një bisede të shkurtër me policinë ka shkelur gazin, ndërsa 43-vjeçari ishte në gjysmë të rrugës për në makinë.
Vdekja e tij shkaktoi një reagim të ashpër nga policia, aq më tepër sepse shoferi i akuzuar ishte dënuar dy herë më parë, një herë për drejtim mjeti në gjendje të dehur në vitin 2015 dhe të dytin për fyerje dhe rezistencë ndaj autoritetit në vitin 2018.
Shoferi, i cili aktualisht është 29 vjeç, është lënë në paraburgim në pritje të gjykimit. Avokati i tij, Jean de Barry, pretendoi se klienti i tij “reagoi instinktivisht” kur goditi gazin dhe nuk donte të vriste oficerin. Ai do të kërkojë të dënohet për vrasje nga pakujdesia, e cila, për shkak të precedentit të rëndë kriminal të autorit, dënohet me 10 vjet burg.
Vendimi pritet të shpallet të mërkurën.
