Kuvendi Kombëtar i Partisë Demokratike të drejtuar nga Sali Berisha, mbajtur ditën e shtunë, ishte tema e mbrëmjes së sotme në studion e emisionit ‘Pushteti’ në Fax News me drejtuesin Besnik Sulejmani.
Kandidati i “Bashkë Fitojmë” për bashkinë e Fierit në zgjedhjet e 14 majit, Evdar Kodheli debatoi me Altin Goxhaj. Ky i fundit akuzoi PD-në se ka shitur zgjedhjet dhe çdo kauzë për të ruajtur karriget e tyre.
Nga ana tjetër, Kodheli u shpreh se këto sulme ndaj opozitës i shërbejnë pushtetit të Edi Ramës.
Goxhaj u përgjigj se edhe ai dikur ka qenë krah Berishës, jo për të por për platformën përbashkuese me qytetarët, por që e gjithë kauza u shit nga enturazhi i Berishës tek Erion Veliaj dhe rezultati ishte ai i zgjedhjeve të 14 majit.
Goxhaj: 7 korrikun e vratë, sepse u tmerrua enturazhi i Berishës që po hapen karriget. Dhe u shit tek Erion Veliaj, për të dalë kandidati i Erion Veliajt, Belind Këlliçi.
Kodheli: Po flasim për opozitën, jo vetëm PD-në. Ju sulmoni PD-në, po kush i ka ndaluar të bëni një forcë të djathtë.
Goxhaj: Berisha gënjeu këto ditë pas 30 vitesh dhe tha se nuk jemi forcë e djathtë.
Kodheli: Ç’lidhje ka Berisha personalisht? Kam qenë oponent në 8 vitet e Berishës. S’kam qenë një ditë pjesë e pushtetit. Kam qenë oponent në zonën time për të metat që kishte. Sot duhet, nëse do sulmojmë opozitën i shkon në favor Ramës.
Goxhaj: Kush po sulmon opozitën?
Kodheli: Shkon direkt tek mazhoranca. Ju keni qenë në krah të Berishës dhe e keni mbështetur. Kam qenë aktivist.
Goxhaj: Kam mbështetur platformën. Krijimi i një fronti të përbashkët me qytetarët. Për të krijuar vota të mjaftueshme për të rrëzuar kancerin e pushtetit. Ato vota që mori Erion Veliaj prodhuan atë rezultat për mënyrën se si Berisha e shiti kauzën. E shitët. Ju i tradhëtuat qytetarët.
Discussion about this post