Kuvendi Kombëtar i Partisë Demokratike të drejtuar nga Sali Berisha, mbajtur ditën e shtunë, ishte tema e mbrëmjes së sotme në studion e emisionit ‘Pushteti’ në Fax News me drejtuesin Besnik Sulejmani.
I ftuar në studio avokati Altin Goxhaj u shpreh se Partia Demokratike, si me vulë apo pa vulë, ka vdekur. Por ata që e drejtojnë nuk e pranojnë që e kanë vrarë vetë këtë parti. Pasi vrasja e një partie nuk vjen vetëm nga jashtë, po nuk pati edhe bashkëpunim nga brenda.
Nga ana tjetër ai akuzoi kupolën drejtuese të kësaj partie që kanë vetëm hallin e mbajtjes së karrigeve të tyre.
“Kjo parti ka vdekur. Në mënyrë literale. Nuk e pranojnë që e kanë ndërtuar vetë këtë vrasje. Partia vritet kur kombinohen e jashtmja dhe e brendshmja. Ribërja e partisë u bë me të njëjtën shkak që vdiq. Në 8 vjet kjo parti u bë një fasadë e pushtetit. Koncepti im, për ta sqaruar Berisha apo Basha. Është e gabuar. Në 2021 ishte mundësia që kjo parti të rrëzonte Erion Veliaj dhe Ramën. Por kjo parti ngeli peng e lojës së karriges. Sa më pak karrige aq më pushtet kishin vetë. Këta nuk kishin marrë me marrë pushtet. Kishin plan vetëm të justifikonin ekzistencën e tyre. Nëpërmjet zgjedhjes së kandidatit që zgjodi Erion Veliaj, me Belind Këlliçin. Këta tani ta mbajën si kujtim të së shkuarës 7 korrikun. E tradhtuan frymën qytetare. Kjo parti tashmë i shërben pushtetit. Sepse me ekzistencën e saj të vekur qeë bën sikur është gjallë, i jep pushtetin Ramës atë që ka nisur, boshatisjen e Shqipërisë dhe mbushjen e saj me refugjatë” , tha Goxhaj.
