Në një konferencë për mediat, Lulzim Basha njoftoi se PD nuk do të marrë pjesë në seancën e nesërme në Parlament.
Sipas tij, Rama po tenton tashmë të kontrollojë reformën në drejtësi përmes disa komisioneve që do të ngrejë dhe nga ana tjetër të votimit të amnistisë penale.
Për Bashën një amnisti e tillë që do të votohet nesër në Kuvend është e papranueshme, pasi kështu amnistohen të gjithë zyrtarët e korruptuar, ndërsa protesuesit viktima të këtyre zyrtarëve nuk amnistohen.
Lulzim Basha: Vetëm pak ditë më parë është ankuar se BKH po shqetëson ministrat dhe zyrtarët e tij. Edi Rama i trembet drejtësisë. Është bërë pishman për reformën në drejtësi. Ka menduar se do ta kontrollonte SPAK. Duket qartë që po veprojnë në autonomi të plotë. Po bën gjithçka për të ndërhyrë. Kjo është ajo që po ndodh. Nga njëra anë do të përdori amnistinë për të amnistuar zyrtarët që kanë vjedhur taksat e shqiptarëve pronat. Nga ana tjetër refuzon të amnistojë protestuesit. Kjo është skandaloze, është kriminale. Është ndërhyrje e pastër në punët e drejtësisë. Sot PD jo vetëm që nuk do të jetë pjesë e kësaj manovre të fëlliqur por do të bëjë gjithçka brenda dhe jashtë për të faktuar që kërcënimi kryesor ndaj avancimit të reformës në drejtësi është Edi Rama dhe qeveria e tij e korrputuar. PD inkurajon BKH prokurorët e SPAK të vijojnë me profesionalitet punën e tyre. Nuk ka dyshim një drejtësi e reformuar është në konflikt me një qeveri të korruptuar. PD nuk do të marrë pjesë në seancën e nesërme parlamentare. Është pritshmëria jonë që askush të mos bëhet patericë e këtij akti korruptiv dhe kriminal që synon lirinë e zyrtarëve të korruptuar.
Discussion about this post