Nisin Karnavalet e Nartës, festa tradicionale që vijon pas festës së Pashkëve

Karnavalet e Nartës, tradita e trashëguar ndër breza, nisin të dielën e Pashkëve dhe vijojnë për tre ditë me radhë deri të martën në mbrëmje.

 

Është një festë tradicionale e fshatit Nartë, e trashëguar në breza. Festimeve i janë bashkuar edhe dhjetra banorë të Nartës të ardhur nga Greqia apo edhe vendet e BE-së për të festuar Pashkët, por edhe karnavalet tre ditore.

 

Gjithçka në qendër të fshatit ku të rinj e të reja vishen me kostumet tradicionale të zonës duke festuar e kërcyer. Vetë banorët shprehen se karnavalet janë një festë e vetë fshatit ndërsa duhet të vijohet e trashëgohet ndër breza.

Në festë nuk kanë munguar edhe të huaj italianë të cilët janë surprizuar nga festimet ndërsa i cilësojnë shumë të bukura dhe të veçanta.