Gjykata e Posaçme vendosi të deklarojë fajtor Edison Memollën dhe ta dënojë me 1 vit burg.
Memolla është paraqitur herët ditën e sotme në ambientet e Gjykatës së Posaçme për t’u njohur me vendimin ndaj tij.
Sipas akuzës së ngritur nga SPAK, Memolla ndërhynte pranë OSHEE që të mos u ndërpritej energjia elektrike debitorëve, me qëllim që ata ta votonin në zgjedhjet vendore të 6 marsit 2022 ku ai kandidonte nën siglën e PS, ku edhe rezultoi fitues.
Kryebashkiaku është dërguar në gjykim nga Prokuroria e Posaçme kundër Korrupsionit dhe Krimit të Organizuar (SPAK) së bashku me tre të pandehur të tjerë: Ndriçim Tafgjata dhe Blerim Xhamani, të akuzuar për “Korrupsion aktiv në zgjedhje”, si dhe Isuf Tosku, i akuzuar për falsifikim të dokumenteve në bashkëpunim.
Xhamani dhe Tafgjata janë dënuar me 1 vit burgim nga gjykata, ndërsa Isuf Tosku mori dënimin me 8 muaj burg, i cili është pezulluar dhe është kthyer në shërbim prove për 1 vit e 4 muaj.
NJOFTIM PËR MEDIAT
1. Prokuroria e Posaçme kundër Korrupsionit dhe Krimit të Organizuar ka paraqitur
pranë Gjykatës kërkesën me objekt: “Dërgimin në gjyq të ҫështjes penale, që i përket
procedimit penal nr. 57, të vitit 2022, në ngarkim të të pandehurve Edison Memolla,
Ndriçim Tafxhafa, Blerim Xhamani dhe Isuf Tosku”.
2. Gjykimi i kësaj ҫështje u zhvillua me rregullat e gjykimit të zakonshëm. Në përfundim
të gjykimit, Gjykata e Posaçme e Shkallës së Parë për Korrupsionin dhe Krimin e
Organizuar me trup gjykues të përbërë nga gjyqtarët Flojera Davidhi, Erjon Bani dhe Elsa
Ulliri, me vendimin Nr. 8, datë 24.01.2025 vendosi:
1. Deklarimin fajtor të të pandehurit Edison Memolla për kryerjen e veprës penale
“Korrupsioni aktiv në zgjedhje” kryer në bashkëpunim, parashikuar nga nenet 328
dhe 25 të Kodit Penal dhe dënimin e tij me 1 (një) vit burgim.
2. Dënimi të fillojë nga dita e ekzekutimit të vendimit penal dhe të vuhet në një burg
të sigurisë së zakonshme.
3. Në zbatim të nenit 35 të K.Penal, heqjen e së drejtës për të ushtruar funksione
publike për të pandehurin Edison Memolla për një periudhë 5 (pesë) vjeçare.
4. Deklarimin fajtor të të pandehurit Ndriçim Tafxhafa për kryerjen e veprës penale
“Korrupsioni aktiv në zgjedhje” parashikuar nga neni 328 të K.Penal dhe dënimin
e tij me 1 (një) vit burgim.
5. Dënimi të fillojë nga dita e ekzekutimit të vendimit penal dhe të vuhet në një burg
të sigurisë së zakonshme.
6. Deklarimin fajtor të të pandehurit Blerim Xhamani për kryerjen e veprës penale
“Korrupsioni aktiv në zgjedhje” kryer në bashkëpunim, parashikuar nga nenet 328
dhe 25 të Kodit Penal dhe dënimin e tij me 1 (një) vit burgim.
7. Deklarimin fajtor të të pandehurit Blerim Xhamani, për kryerjen e veprës penale
“ Falsifikimit të dokumenteve”, kryer në bashkëpunim, parashikuar nga neni 186,
paragrafi dytë të Kodit Penal dhe dënimin e tij me 8 (tetë) muaj burgim.
8. Në bashkim të dënimeve, në zbatim të nenit 55 të K.Penal, dënimin përfundimisht
të të pandehurit Blerim Xhamani me 1 (një) vit burgim.
9. Dënimi të fillojë nga dita e ekzekutimit të vendimit penal dhe të vuhet në një burg
të sigurisë së zakonshme.
10. Deklarimin fajtor të të pandehurit Isuf Tosku, për kryerjen e veprës penale
“ Falsifikimit të dokumenteve”, kryer në bashkëpunim, parashikuar nga neni 186,
paragrafi dytë të Kodit Penal dhe dënimin e tij me 8 (tetë) muaj burgim.
Rruga “Jordan Misja” Nr.1, 1057 Tiranë; tel/fax 0035542231527; www.gjp.gov.al
11. Në aplikim të nenit 59 të K.Penal, pezullimin e ekzekutimit të dënimit me burgim
për të pandehurin Isuf Tosku dhe vënien e tij në provë për një periudhë prej 1
(një) vit e 4 (katër) muaj, me kusht që gjatë kohës së provës i pandehuri të mos
kryejë vepër tjetër penale dhe gjatë kësaj kohe i pandehuri detyrohet të mbajë
kontakte me Drejtorinë e Shërbimit të Provës që mbulon vendbanimin e tij.
12. Në zbatim të nenit 190, pika 1 të K.Pr.Penale, provat materiale sipas urdhërit për
bashkimin e provës materiale me fashikullin e gjykimit të datës 27.10.2023,
konkretisht aparatet celularë të sekuestruar shtetasve Blerim Xhamani dhe H.D
t’u kthehen këtyre të fundit, ndërsa provat e tjera materiale të mbeten pjesë e
dosjes.
13. Shpenzimet procedurale gjatë fazës hetimore si dhe shpenzimet gjyqësore, sipas
formularit bashkëlidhur, në ngarkim të të pandehurve në mënyrë solidare.
14. Kundër këtij vendimi lejohet ankim brenda 15 (pesëmbëdhjetë) ditëve, në
Gjykatën e Posaçme të Apelit për Korrupsionin dhe Krimin e Organizuar, duke
filluar ky afat nga e nesërmja e njoftimit të këtij vendimi të arsyetuar.
Discussion about this post