Presidenti amerikan Donald Trump i është drejtuar prerazi presidentit rus Vladimir Putin, pas sulmeve të fundit vdekjeprurëse të ushtrisë ruse ndaj Kievit.
Në një postim në platformën e tij Truth Social, pak para orës 08:30 të mëngjesit me orën lokale në Uashington, Trump dënoi ashpër dhunën në kryeqytetin ukrainas.
“Vladimir, NDALO! 5000 ushtarë po vdesin çdo javë. Le të arrijmë Marrëveshjen e Paqes”, shkroi ai.
Ky mesazh i prerë vjen vetëm pak orë pasi Trump kritikoi presidentin ukrainas, Volodymyr Zelensky, duke u shprehur se ai kishte dy zgjedhje: “ose të bëjë paqe, ose të vazhdojë luftën edhe për tre vjet të tjera përpara se ta humbasë të gjithë vendin”. Ai e cilësoi Zelenskyn si “njeri pa letra për të luajtur”.
