Ish-kryeministri Sali Berisha ka publikuar sot fakte dhe dëshmi që sipas tij provojnë manipulimin masiv të votave të diasporës. Në një deklaratë për mediat, Berisha akuzoi kryeministrin Edi Rama për shtetëzimin e procesit të votimit nëpërmjet mekanizmave korruptivë, nënkontraktorëve dhe mbështetjes së ambasadave.
“Urdhëroni, dengje me vota. Ky me krah votash shkon drejt konsullatës,” tha Berisha, ndërsa publikoi video që sipas tij dëshmojnë qartë manipulimin. Ai përgëzoi demokratët e Selanikut për dokumentimin e këtij procesi dhe theksoi se qendrat e bixhozit janë përdorur gjerësisht për këtë qëllim.
“Siç e patë, një proces fund e krye i kontrolluar dhe i manipuluar,” u shpreh Berisha.
