Futbollisti argjentinas Leo Messi ka publikuar foton ku shihen disa prej lojtarëve që fatmirësisht arritën t’i shpëtonin aksidentit ajror në Kolumbi, me 81 persona në bord. Mësohet se nëntë lojtarë në total, nuk iu bashkuan ekipit në ndeshjen e planifikuar për të mërkurën kundër ”Atletico National”. Lojtarët që shpëtuan qëndrojnë të pikëlluar në dhomën e zhveshjes, duke mos arritur ta besojnë atë që ka ndodhur.
“Lojtarët e “Chapecoense” që nuk udhëtuan me skuadrën, në dhomën e zhveshjes dhe zemërthyer.”, shkruan Messi bashkangjitur fotos. Ai ka shprehur ngushëllimet për viktimat e aksidentit ajror dhe ka bërë të ditur se lojtarët e Barcelonës kanë mbajtur një minutë heshtje në nderim të lojtarëve dhe pasagjerëve të tjerë që humbën jetën.
Argjentinasi ka ndarë me ndjekësit e tij faktin se vetëm tri javë më parë, ai kishte udhëtuar në një avion të kompanisë “Lamia”, avioni i së cilës u rrëzua mëngjesin e sotëm.
Discussion about this post