Janë publikuar pamjet e aksidentit fatal të 21 Nentorit, ku humbi jetën këngëtari Ergi Dini dhe shoku i tij Klejdi Halili.
Pamjet e siguruara nga Tv Klan tregojnë dinamikën e ngjarjes së rëndë, e cila ndodhi rreth orës 21:15.
Ergi dhe miku i tij po përshkonin me motor segmentin nga ish-kinema Agimi në drejtim të urës të Hotel Dajti, por fatal ka rezultuar veprimi I Klejdi Halilit, që të ecte për disa metra me gomën e parë të motorit.
Në momentin që Halili ka tentuar të ulë gomën atëherë ka ardhur edhe aksidenti tragjik.
Sipas pohimeve të dëshmitarëve okulare dhe asaj që shkruhet në dosjen e grupit hetimor, semafori pranë Ambasadës ruse nuk ka qenë në funskion si pasojë e mungesës së energjisë elektrike në këtë zonë.
Ergi Dini sapo kishte nisur karrierën e tij në muzike. Pasi fitoi X-Factor djaloshi 21-vjeçar kishte publikuar edhe disa hite, ndërsa po punonte për hitin e rradhës.
Ndërsa Klejdi Halili ishte djali i pedagoges së gazetarisë në Universitetin e Tiranës… Ai ishte i apasionuar pas motorave dhe shpejtësisë, gjë e cila i mori edhe jetën.
Sipas policisë, determinant në humbjen e jetëve ka qenë edhe mungesa e kaskave mbrojtëse.
