Një 28 vjeçar i prekur nga virusi HIV ka rrëfyer historinë e tij për emisionin ‘’Me zemër të hapur’’. I braktisur nga shteti dhe i mbetur vetëm pasi gjithë familja e tij ka vdekur, atij i duhet të përballet me sëmundjen që çon dalëngadalë drejt vdekjes.
Nëna e tij ka humbur jetën pasi ka vuajtur nga tumori në mushkëri, babai po ashtu nga tumori në kokë. Më e dhimbshme sipas tij ka qenë vdekja e vëllait nga kanceri në mëlci. Atë periudhë ai ka qenë i izoluar në një nga burgjet në vend çka e ka bërë të pamundur që të jetë i pranishëm në varrimin e tij.
‘’Përherë ankohesha nga mëlçia dhe mendoja se kisha sëmundjen e vëllait. Pas shtatë muajsh më zbuluan problemin. Ngjarjen e mësova në Spitalin e burgut. Mjekja s’dinte si të ma thoshte por pastaj ma dha lajmin pasi unë nuk kisha asnjë të afërm që t’ua thonte atyre. Nuk e prisja këtë në fakt pasi kam qenë shumë i rregullt. Kam shkuar njëherë kur sjam ndjerë mirë në spitalin rajonal të qytetit tim dhe aty pretendoj se kam marrë gjak të infektuar.’’, ka vazhduar më tej rrëfimin.
Ai thotë se mungesa e medikamenteve dhe kurimit ka bërë që sëmundja të përparojë.
