Pas makabritetit që ndodhi mëngjesin e sotëm në qytetin e Korçës, një tjetër ngjarje e rëndë që lidhet po me fëmijët, por që tashmë vjen nga qyteti i Vlorës, e ndodhur pasditen e së shtunës.
Dy djem kanë përdhunuar dy fëmijë, ndërsa i kishin mashtruar gjatë lojës së përbashkët me ta. Autorët janë njëri 14 vjeç dhe tjetri 11 vjeç, ndërsa viktima janë dy djem të moshës 6¬vjeçare.
Sipas Policise, ngjarja në lagjen “15 tetori”, në periferi të qytetit të Vlorës, kur dy të mitur, njëri 14 vjeç dhe shoku i tij 11 vjeç, kanë kryer marrëdhënie homoseksuale me dy fëmijë 6-vjeçarë.
Fëmijët ishin duke luajtur me njëri-tjetrin në ambientet e oborrit të shkollës të kësaj lagjeje, pasi ishte ditë pushimi. Pasi kanë luajtur në oborrin e shkollës ka qenë djali më i madh në moshë, 14¬vjeçari me iniciale F.N., i cili ka kapur me dhunë dy fëmijët 6-vjeçarë që ndodheshin pranë tyre. Në ndihmë të tij ka shkuar edhe shoku më i vogël, 11-vjeçari me inicialet V.R, mëson “Panorama”.
Të alarmuar prindërit kanë kuptuar se fëmijët ishin bërë pre e dhunuesve dhe menjëherë kanë kërkuar ndihmën e Policisë së Vlorës.
Nga ana e saj, Policia e qytetit bregdetar nuk e ka patur të vështirë gjetjen e dy shokëve, të cilët më pas i ka shoqëruar në ambientet e komisariatit.
Pasi i ka marrë në pyetje ka bërë arrestimin e 14-vjeçarit F.N, ndërsa për 11-vjeçarin do të vendosë Gjykatës për të mitur e Vlorës.
