Luis Enrike dëshiron që lojtarët e tij të fitojnë përballjen ndaj Borusias Myshengladbah në “Camp Nou”. Ndeshje e cila do të zhvillohet ditën e nesërme në kuadër të fazës në grupe për Ligën e Kampionëve.
Takimin i parë e kanë fituar katalanasit me rezultatin 1-2.
Kampionët e Spanjës kanë marrë një barazim 1-1 në shtëpi ndaj Realit të shtunën që ka ndikuar shumë në gjendjen e tyre morale. Ndaj dhe tekniku i tyre, Enrike shpreson që të triumfojnë në sfidën e nesërme për të ngritur dhe moralin e skuadrës.
Barcelona regjistron vetëm 2 fitore në 7 ndeshjet e fundit në të gjitha garat.
“Trajnerët gjykohën gjithmonë pas rezultatit. Plani im i përgjithshëm nuk do të ndryshojë, nuk shoh asnjë shqetësim. Dëshirojmë dhe synojmë fitoren në çdo takim. Ndeshja e nesërme është shumë e rëndësishme. Na duhet fitorja për moralin e lojtarëve të mi. Dhe pse në të vërtet nuk më plas të mund Gladbahin”.
Për skuadrën
“Skuadra ime është ambicioze dhe e gatshme për këtë takim. Jemi të përqëndruar maksimalisht për ndeshjen ndaj Myshengladbah dhe do të luftojmë deri në fund për trofe. Rezultati nuk është me aq rëndësi për ne pasi kryesojmë grupin C, por gjithsesi duam të dhurojmë spektakël edhe për tifozët”.
Ndër të tjera Enrike ka konfirmuar aktivizimin e Leo Messit që nga minuta e parë e sfidës.
Discussion about this post