Nga Manjola Zeka Arizaj
Martohet në moshën 17-vjeçare me një burrë rreth 17 vjet më të madh se vetja. Sot Marsela Toshi 24 vjeçe, ndërkohë që i ndjeri Naum Toshi 41 vjeç. Engjëjt që vuajtën pasojat e prindërve, ishin 4 dhe 6 vjeç. Jetonin në Greqi dhe kishin probleme. Prej dy muajsh gruaja ikën nga shpia dhe punon në lokalet e natës. Burri e kërcënon dhe më pas gjen “zgjidhjen”. Var veten dhe dy fëmijët. Marsela e kishte denoncuar dhe më parë, se nuk e linte “te punonte e qetë”.
Thuhet se në 2 pas mesnate, është dëgjuar një sherr i madh në shtëpi dhe më pas të qarat e vogëlushëve. Tmerr, askush nuk ishte i zoti të ndërhynte, sërish organet kompetente nuk e bënë punën e tyre.
Gjendet një letër tek dera. Pamje shokuese, tri jetë të varura në litar. Pse? Pse duhet të ndodhte?… A ishte me probleme mendore ky burrë?? A do dalin mjekët të deklarojnë se ishte i sëmurë psikik dhe kishte çrregullime herë pas here?? Shoqëria a do vërshojë të vë gishtin te fajtori? Pse kjo dhunë, kjo urrejtje, kjo maskaradë po ndodh në vendin tonë??
Burrat.. ah burrat, të mendojnë vetëm për një sekondë të vetëm, se një grua i ka sjellë në jetë..
Kush e ka fajin??Gjithë këto jetë të humbura, përgjegjësit duhet të dalin para drejtësisë. Unë do preferoja, një dënim të rëndë, jo varje në litar. Do preferoja një vdekje me vuajtje… që në momentin e fundit të jetës këta burrecë të thërrisnin NËNË…që sërish është femër…
Një tjetër grua i jep fund jetës në Tiranë. Rreth 50 vjeçe, nuk deklarojnë se është dhunuar nga shtazarakët meshkuj, depresion…. thonë.
Quo vadis??? Jemi të tmerruar, kemi familje, fëmijë…