Sergio Aguero nuk do të jetë në dispozocion të Pep Guardiolës për katër ndeshjet e radhës. Sulmuesi i Mançester Sitit është ndëshkuar nga Federata Angleze e Futbollit pas zënkës të ndodhur në sfidën ndaj Çelsit në fundjavë.
Argjentinasi shkaktoi u ndëshkua me karton të kuq për faullin e shkaktuar ndaj David Luiz. Ku si pasojë e kësaj përplasjeje të dy ekipet u përfshinë në sherr masiv.
Pjesë e tij ishte edhe Fernandinjo, i cili nuk i shpëtoi kartonit të kuq pasi i vuri duart në dyt spanjollit Fabregas. Braziliani është dënuar për ndeshjen e ardhshme që do të luajë ekipi i tij. Siç raportojnë mediat angleze, edhe Fabregas munde të marrë një dënim pasi filmimet tregojnë një kundërpërgjigje të tij ndaj Fernandinjos.
Pavarësisht penalizimit të këtyre dy lojtarëve, institucioni më i lartë i futbollit britanik ka vendosur të hetojë të dy ekipet atë të Sitit dhe londinezët pasi nuk arritën të ndalonin sherrin masiv që ndodhi në fushën e blertë gjatë ndeshjes.
Discussion about this post