Për të përfituar para shumë njerëz në botë gjejnë mënyra nga më të ndryshmet. Të shesësh autografet e njërzëve të famshëm në botë tashmë është një mënyrë tepër e përhapur për të përfituar para. Një zvicerian ka gjetur këtë mënyrë të veçantë për të marrë të ardhura, duke zgjedhur zanatin e koleksionistit të autografëve.
Ai koleksionon mijëra autografë që japin yjet botërore nga fusha të ndryshme ndër vite dhe këto më pas i shet në eBAY. Një ndër vipat që ai ka përgjedhur për të koleksionuar autografët e tij, është edhe ish-kryeministri Sali Berisha.
Deputetit Berisha i është koleksionuar firma që ka shkruar mbi një foto të realizuar në Selinë e NATO-s në Bruksel, ku në atë kohë mbante postin e presidentit të vendit. Pikërisht kjo foto është nxjerrë në shitje me një çmim prej 80 dollarësh. Por nga një vëzhgim i thjeshtë që mund të bëjmë në e-Bay na rezulton se firma e Berishës është më e shtrenjtë se firma e shumë yjeve botërore të kinamtografisë dhe muzikës. Berisha lë mbrapa për shitjen e firmës së tij edhe këngëtarin e njohur botëror Enrique Iglesisas, ku firma e këtij të fundit shitet për 35 dollarë.
Njëkohësisht konkuron edhe me yjet e tjerë si: Gergory Peck i shitet autografi 70 dollarë, Gina Lollobrigida për 65 dollarë, Brigitete Nielson për 76.50 dollarë, e të tjera.
Por këtë vlerë e sfidon autografi i kancelares Angela Merkel. Ai shitet për 85.5 dollarë. Po kështu Berisha konkuron edhe me ish- kancelarin e Gjermanisë, Gerhard Schroder për vlerën e autografit. Këtij të fundit i shitet autografi për 55 dollarë.
Discussion about this post