Deputetja e PD-së Majlinda Bregu është nisur drejt qytetit të Fierit për të mbështetur fëmijët e gruas që u vra nga burri disa ditë më parë. Bregu është takuar me familjarët e viktimës të cilët momentalisht gjenden te shtëpia e vëllait të viktimës.
Ajo është takuar edhe me anëtarë të dhomës së avokatisë, të cilët do të ndihmojnë për të kaluar kujdesarinë e fëmijëve nga babai te daja i fëmijëve.
Sot madje vajza e çiftit kishte ditëlindjen, mushte vetëm 3-vite por asnjë prej prindërve të saj nuk ishte i pranishëm që ta uronte. Nëna nuk është më ndërsa babai i saj ndodhet në burg.
‘’Ne kemi nivel të lartë papërgjegjshmërie, familja e viktimës nuk ka marrë akoma urdhërin e mbrojtjes në datë 26. Nuk mundet që urdhri i mbrojtjes të zbardhet pas 16 ditësh. Burri dhunues nuk ka qenë as pijanec dhe as vuante nga dëshpërimi, prandaj ai nuk duhet t’i shpëtojë drejtësisë me këtë fakt’’, është shprehur Brehu.
Ajo u ka bërë thirrje gazetarëve që të ndjekin rast pas rasti këto ngjarje kriminale që kanë goditur familjet në vend.
Discussion about this post