Shefi i CIA-s, John Brennan, pas takimit me kryeministrin Edi Rama dhe presidenti Bujar Nishani, zhvilloi dhe një takim edhe me Drejtorin e Përgjithshëm të Policisë së Shtetit, Haki Çako.
Brennan ka vlerësuar dhe përgëzuar bashkëpunimin me Policinë e Shtetit, veçanërisht me Drejtorinë e Antiterrorit.
“Ky bashkëpunim ka dhënë rezultate pozitive në ndjekjen e çështjeve të përbashkëta. Bashkëpunimi i Policisë së Shtetit me agjencitë te tjera brenda dhe jashtë vendit është për t’u marrë shembull”, u shpreh numri një i CIA-s.
Drejtori Çako ka falënderuar Brennan për mbështetjen dhe bashkëpunimin veçanërisht në fushën e terrorizmit si dhe siguroi drejtorin e CIA-s se puna për rritjen e kapaciteteve në mbrojtje të sigurisë kombëtare, lufta kundër terrorizmit, krimit të organizuar dhe korrupsionit, thuhet në njoftimin e Policisë së Shtetit.
Discussion about this post