Fitues i çmimit Nobel për Paqen për vitin 2016 është shpallur presidenti i Kolumbisë, Juan Manuel Santos.
Presidenti Santos është vlerësuar me këtë çmim për luftën e tij të vazhdueshme ndaj drogës dhe për arritjen e marrëveshjes historike paqësore me Forcat e Armatosura Revolucionare të Kolumbisë (FARC).
Në fjalën e tij Santos çmimin e përshkroi si “dhuratë nga qielli” dhe ia kushtoi të gjithë kolumbianëve, posaçërisht për 220.000 të vrarët dhe tetë milionë të shpërngulurve në konfliktin me rebelët e FARC.
“Me këtë marrëveshje mund të themi se kontinenti amerikan nga Alaska deri në Patagonia, është vend i paqes”, tha Santos gjatë ndarjes së çmimit në sallën e qytetit në Osllo të Norvegjisë.
Këtë vit Santos arriti marrëveshjen historike paqësore me Forcat e Armatosura Revolucionare të Kolumbisë (FARC). Megjithatë, në referendumin mbi marrëveshjen paqësore qytetarët e Kolumbisë e refuzuan atë vetëm disa ditë para ndarjes së çmimit Nobel për Paqe.
Por, Santos menjëherë pas kësaj nënshkroi një marrëveshje të re të reviduar me FARC-un e cila është aprovuar nga Senati por edhe nga Kongresi i Kolumbisë.
Discussion about this post