Konflikti mes Ministrit të Jashtëm Bushati dhe vëllait të Ministrit Koka ka ditë që është bërë shumë I nxehtë me akuza dhe kundërakuza mes palëve. Në reagimin e tij të parë publik mbrëmë në emisionin ‘’Dritare’’ të Rudina Xhungës, Ministri tha se nuk i bënin fare përshtypje këto mesazhe.
“Unë mund të kem mesazhe të ndryshme, ndoshta s’kam të njëjtin presion apo intesitet që kanë një pjesë prej kolegëve të mi, që janë në një sektor më strategjik apo më tepër të ekspozuar përballë krimit të organizuar. Por mund tu garantoj se nuk është mesazhi i vetëm, ai mesazh që unë kam marrë dhe nuk më bën asnjë lloj përshtypje. Unë nuk e njoh këtë njeri dhe as do e njoh, deri në ditën e fundit që do të jem në politikë. Sepse unë shpresoj shumë që gjatë kontributit në jetën publike, do të bëj një detyrë edhe për ata që do të vijnë pas meje, edhe për fëmijët e mij por edhe për fëmijët e të tjerëve”, tha Bushati.
Mirëpo në një prononcim për gazetën ‘’Panorama’’, Nard Koka ka reaguar sërish madje duke ironizuar rëndë me ministrin.
“Nuk ia vlen për t’i dhënë përgjigje një njeriu si ky që shkon deri në Brazil për të provuar banane braziliane kur ka kastravecë në Shqipëri sa të duash”, është shprehur Koka për Ministrin dhe deklaratën e tij të mbrëmshme.
