Policia Kufitare ka sekuestruar një sasi të konsiderueshme lënde narkotike në Dibër. Mësohet se është kryer sekuestrimi i 122 kilogramë lëndë narkotike “Cannabis sativa”, të cilat transportoheshin me kalë.
Lënda narkotike u kap në Bllatë, në kufi me Maqedoninë, ndërsa shtetasi që shoqëronte kafshën, u largua me shpejtësi sapo pikasi efektivët e policisë.
Bëhet e ditur se sasia prej 122 kilogramë kanabis ishte e ndarë në 7 thasë. Policia ka shpallur në kërkim shtetasin me iniciale S. I. që transportonte lëndën narkotike.
Discussion about this post