Këshilli i Çështjeve të Përgjithshme të BE-së, nuk ka arritur konsensusin me Turqinë, pasi një nga shtetet anëtare ka kërkuar ngrirjen e procesit të zgjerimit, duke mos rënë dakord me propozimin e paraqitur nga Këshilli.
Mosarritja e konsensusit u njoftua nga ministri i Jashtëm i Sllovakisë, Miroslav Lajçak, ai që njoftoi mosarritjen e konsensusit.
“Ne do të donim më shumë, do të donim të kishim përfundime të Këshillit, por një shtet nuk ishte i gatshëm të pranonte kompromisin, të cilin 27 vendet e tjera anëtare e pranuan kur u vendos në tavolinë”, deklaroi Lajçak.
Mësohet se Vjena ka kërkuar që të ngrijë procesi i zgjerimit për Turqinë. Pjesë grupit që kanë rënë dakort me këtë kanë qenë edhe shtete si Holanda e Bullgaria, por ka qenë vetëm Austria ajo që ka vënë thuajse veton kundër Turqisë.
Ndërsa Gjermania, ndoshta për shkak të numrit të madh të shtetasve gjermanë me kombësi turke, ka kërkuar vijimin e procesit të integrimit.
Kjo përplasje mes dy grupimeve ka bërë të mundur që Këshilli I Ministrave Europianë të mos arrijë në një deklaratë të përbashkët.
“Ne do ta lëshojmë këtë deklaratë presidenciale dhe në një aneks do të përfshijmë konkluzionet për rajonin, procesin e zgjerimit dhe për çdo vend specifikisht”, deklaroi Lajçak.
Ndërsa për hapjen e negociatave për Shqipërinë, ministrant e BE-së ranë dakort.
“Këshilli e vlerëson pozitivisht rekomandimin e Komisionit për hapjen e negociatave me Shqipërinë në varësi të progresit të besueshëm dhe të prekshëm të implementimit të Reformës në Drejtësi dhe në veçanti të vlerësimit të gjyqtarëve dhe prokurorëve.”, është shprehur diplomati sllovak.
Megjithatë akoma nuk është vendosur një datë për hapjen e negociatave. Këshilli përsërit se Shqipëria duhet të punojë me zbatimin e pesë prioriteteve kryesore.
Discussion about this post