Dhunoi bashkëshorten dhe të birin, arrestohet 50-vjeçari në Vlorë

Kastriot Brahimaj, banues në Orikum të Vlorës, është vënë në prangat e Policisë së Vlorës nën akuzën e “Dhunës në familje”.

Mësohet se 50-vjeçari, nën efektin e pijeve alkoolike, ka ushtruar dhunë ndaj bashkëshortes së tij dhe djalit të tij 16 vjeçar.

Njoftimi i Policisë Vlorë

Policia arreston në flagrancë një shtetas i cili ka ushtruar dhunë fizike ndaj bashkëshortes dhe djalit të tij! Arrestohet shtetasi: · Kastriot Brahimaj, 50 vjeç, banues në Orikum, Vlorë.

Policia ka bërë arrestimin e tij në Orikum, pasi dyshohet se ky shtetas ka ushtruar dhunë fizike dhe psikologjike ndaj bashkëshortes, shtetases E.B., 43 vjeçe dhe djalit të tij K.B., 16 vjeç.

Dhuna e ushtruar ka qenë nën efektin e pijeve alkolike. Materialet iu dërguan Prokurorisë në ngarkim të këtij shtetasi, për veprën penale “Dhunë në familje”.