Shqiptari në Itali godet gruan 49-vjeçare me mjete të mprehta

Shqiptari në Itali dhunon dhe kërcënon me jetë gruan e tij 49-vjeçare. Ngjarja ka ndodhur në Treviso të Italisë.

Sipas mediave italiane, 55-vjeçari e ka kapur gruan për flokësh dhe e ka tërhequr zvarrë në garazh. Sipas dëshmisë së gruas, ai e ka kërcënuar duke i thënë: “Të vras, të pres fytin”.

Më pas ai e ka qëlluar bashkëshorten 49- vjeçaren me një mjet të mprehtë, duke i shkaktuar plagë në trup, gjoks dhe fyt.

Mësohet se gruaja ka përfunduar në spital pasi një fqinj kishte thirrur policinë. Policia italiane e ka arrestuar 55-vjeçarin, dhe kanë nisur procesin gjyqësor ndaj tij.

Gazeta Panorama raporton se çifti kishte shkuar në Itali menjëherë pas martesës, por ata u divorcuan shpejt sepse burri kishte gjetur një grua tjetër. Por lidhja e dytë nuk i kishte ecur mirë shqiptarit, i cili i kërkoi gruas së parë të ktheheshin sërish bashkë. Por, mes çiftit nisën përsëri debate. Debate të cilat u kurorëzuan me këtë ngjarje tragjike.