“Do të djeg fytyrën me acid”, shqiptari rreh gruan pse hapi adresë Facebook-u

Një shqiptar në Itali ka dhunuar gruan e tij vetëm se përse kjo kishte hapur një adresë Facebook-u.

Ngjarja ka ndodhur në  tetor të 2013-ës, kur çifti jetonte në Rovigo, ndërsa këtë javë shqiptari është paraqitur përpara gjykatës e cila e dënoi me 3 vjet e 3 muaj burg.

Sipas mediave italiane, Renato Xhija nga Shijaku e dhunonte sistematikisht bashkëshorten pasi nuk kishte besim tek ajo. Madje nuk e linte të dilte nga shtëpia.

Sipas dëshmive në sallën e gjyqit, Xhija e merrte shpesh të shoqen në telefon, madje edhe kur ajo uishte në punë duke e akuzuar si prostitutë.

Madje as në sallën e gjyqit, 30-vjeçari nuk është ndalur me kërcënimet, por i ka thënë gruas përpara trupit gjykues që “do të djeg fytyrën me acid”.