I ftuar në emisionin “Opinion”, ku po flitet për çështjen e Klement Balilit, i njohur ndryshe si “Eskobari i Ballkanit”, gazetari investigativ Artan Hoxha ka dhënë informacione shumë interesante.
Sipas tij, më 4 mars të këtij viti Policia e Shtetit ka nisur procedimin për Balilin me akuzën e “Trafikut Ndërkombëtar të drogës”, por asgjë nuk është konkretizuar për shkak të lidhjeve të tij me politikën.
“Ai ka edhe një veçanti tjetër, në zonën e vet, rrallë kam parë në Shqipëri persona që kanë probleme me ligjin, si në rastin konkret, që të kenë aq shumë mbështetje nga komuniteti ku ata jetojnë. Në zonën ku ai ka banesën në fshatin Siar të Delvinës, në zonën e Delvinës dhe në zonën e Sarandës ishte shumë e vështirë që t’i të mblidhje informacion për atë. Kjo tregon se ai në komunitetin ku jeton ka bërë shumë ndere, ka hapur shumë vende pune, ka ndihmuar njerëz në nevojë, pasi kishte pasur mundësi”, tha Hoxha.
Sipas tij Policia e Shtetit ka organizuar 4 operacione për arrestimin e Balilit, por asnjëri nuk ka rezultuar i suksesshëm.
Për çështjen “Balili” reagoi edhe ambasadori i SHBA-ve në Tiranë, Donald Lu, i cili sulmoi ashpër organet ligjzbatuese në vend për mosarrestimin e tij.
Discussion about this post