Gazetari i del kundër Kodhelit: Ja thelbi i bisedës me drejtorin e CIA-s

Gazetari investigativ, Artur Cani, që kohët e fundit shkruan nën pseudonimin “Mazja”, i bën një pyetje ministres së mbrojtjes, Mimi Kodheli lidhur me takimin që kjo e fundit pati disa ditë më parë me drejtorin e CIA-s amerikane, John Brennan.

Kodheli është shprehur në një intervistë se, “kemi ndarë probleme serioze me drejtorin e CIA-s dhe natyrisht edhe falënderimet e tij për shkak të punës së mire qe ka bere SHIU, informacionet e te cilit kane parandaluar, e them këtë me përgjegjësi të plotë, ngjarje të papëlqyeshme që ishin planifikuar për të ndodhur në vendin tonë dhe në vende të tjera aleate. Nuk mund të ndaj më shumë të dhëna për publikun, por SHIU sot përdoret për gjera shumë serioze dhe jo për politikë”, tha Kodheli.

Por nuk është i këtij mendimi gazetari Cani, sipas të cilit, ministrja ka harruar të tregojë një detaj shumë të rëndësishëm të bisedës: “Pagimi i kuotës financiare së Shqipërisë si anëtare në NATO”

“Znj. Kodheli, ministre e mbrojtjes, na sqaroi sot pse e takoi ky burri nga Amerika. Na tha e ç’nuk na tha por “haroi” të na thoshte thelbin e bisedës. Sipas “dikushit” që do të mbetet “dikushi”, por që i di mirë gjërat, thelbi i bisedës ishte: “Pagimi i kuotës financiare së Shqipërisë si anëtare në NATO.” Nuk e di pse “i shpëto” pa permendur ky detaj “i vogël” zonjes ministre. – Mazja”, shkruan gazetari Artur Cani në një postim të tijin në Facebook.

Drejtori i CIA-s erdhi në Tiranë më 7 dhjetor në një vizitë surprizë dhe përveç Kodhelit u takua edhe me presidentin Bujar Nishani, kryeministrin Edi Rama, shefin e SHISH Visho Ajazi dhe drejtorin e Policisë së Shtetit, Haki Çako. (A.R/SHUPLAKA)