Aktorja Zsa Zsa Gabor ka ndërruar jetë në moshën 99-vjeçare si pasojë e një ataku kardiak. Rreth dy muaj më vonë, ajo pritej të festonte datëlindjen e saj të 100-të.
Me origjinë nga Hungaria, ajo emigroi për në SHBA gjatë luftës së dytë botërore duke u shndërruar më pas në një yll Hollywood-i. Emri i saj i vërtetë është Sari Gabor, por shumë shpejt familja ta thërriste Zsa Zsa Gabor, emër që e shoqëroi gjatë githë jetës.
Në autobiografinë e saj ”Një jetë nuk mjafton” të vitit 1993, aktorja shkroi se e kishte humbur virgjërinë e saj në moshën 15-vjeçare me Qemal Ataturkun, i cili njihet si themeluesi i shtetit modern turk.
Mori pjesë në më shumë se 40 filma, por ajo çka tërhoqi më shumë vëmendje ishte stili i saj i jetesës. Zsa Zsa Gabor u martua 9 herë gjatë jetës së saj, ku martesa e saj e parë në moshën 20-vjeçare konsiderohet edhe si martesa më e gjatë e saj. (XH.A/SHUPLAKA)
Discussion about this post