Basha s’ndalet: “Rilindja” i tha “Jo” të dënuarit që vuante nga kanceri, por liroi Berishën

Kryetari i opozitës, Lulzim Basha, ka postuar një tjetër videomesazh ku vijon me akuzat kundrejt qeverisë, kryesisht “Rilindjes”.

Në fokus është sërish lirimi i Lulzim Berishës përballë dhjetëra kërkesave të mohuara bërë nga qytetarët e dënuar për vepra të ndryshme penale.

Kryetari i Partisë Demokratike sjell në vëmendje të riun Artur Meço 22 vjeç, i dënuar për armëmbajtje pa leje dhe që vuante nga kanceri.

Pavarësisht kërkesës së tij për të kaluar ditët e fundit pranë familjes, “shteti i tha “Jo”, shprehet Basha.

Nga ana tjetër, i dënuari Lulzim Berisha u lirua dhe iu garantua edhe punësim në Bashkinë e Durrësit.