Paolo Tramexani ka folur për mediat italiane rreth emërimit të tij si trajner i Luganos në Superligën Zvicëriane. Ai theksoi se ishte tepër e vështirë për të të shkëputej nga kuqeiznjtë, pas eksperiencës pozitive që ka kaluar me ta.
Ish-asistenti i De Biazit pohoi ndër të tjera se De Biazi së fundmi ka marrë shumë oferta.
“Duke i jetuar këto vite praktikisht i ngjitur me Xhanin mund të them se duke qëndruar në Shqipëri ka hequr dorë shpesh nga propozime të ndryshme. Nuk më çudit që emri i tij qarkullon apo përmendet te shumë klube. I kanë mbërritur gjatë viteve shumë oferta nga klube shumë prestigjioze, por gjithmonë u ka thënë jo”, tregoi Tramexani për “Tuttomercatoëeb”.
Ndër të tjera tekniku italian tha se De Biazi do të ishte personi i duhur për të marrë drejtimin e Kaljarit në Serinë A.
“Nuk e di, ajo e Kaljarit është një piacë e mirë por nuk di çfarë vlerësimi mund të bëjë De Biazi. Por sigurisht që Xhani ndjehet mirë edhe aty ku është aktualisht. Ishte një eksperiencë e rëndësishme për të dhe vazhdon të jetë e tillë. E përsëris, nuk di cilat mund të jenë vlerësimet e tij”, theksoi Tramexani.
Discussion about this post