Kryetari i Bashkisë së Durrësit, Vangjush Dako, i është përgjigjur akuzave të deputetit Ben Blushi bërë një ditë më parë në foltoren e Kuvendit.
Vangjush Dako u shpreh se Ben Blushi arriti të sigurojë “qyl” mandatin e deputetit në Partinë Socialiste, pa dhënë asnjë kontribut. Sipas Dakos, akuzat e rënda të Blushit vijnë pasi nuk ka pranuar t’i plotësojë favore të ndryshme që deputeti ka kërkuar për njerëzit e afërm.
“Shumë prej jush mbase nuk keni pasur fatin që të kishit kontakt, por e di unë që sa herë ka ardhur tek unë për të kërkuar favore për miqtë e vet dhe në momentin që nuk i realizoheshin fillonte sulmin ndaj meje dhe ndoshta ndaj gjithë qeverisë duke radikalizuar shpifjet në parlament”, është shprehur Dako.
Megjithatë sipas Dakos, këto gjëra duhen hedhur pas dhe të vazhdohet të punohet për të fituar zgjedhjet. Ai shprehu sigurinë se Durrësi do i japë një shuplakë të madhe Ben Blushit dhe kryeopozitarit Basha.
“Unë mendoj që ne duhet ti hedhim pas dhe të vazhdojmë rrugën tonë për të fituar zgjedhjet dhe besoj, që jo vetëm do ti fitojmë, por Durrësi do ti japë një shuplakë të madhe Blushit dhe Bashës”, tha Dako. (XH.A/SHUPLAKA)
Discussion about this post