Nis hakmarrja turke pas 39 vrasjeve të përgjakshme nga një person që hyri në një klub nate në Stamboll.
Avionët luftarakë kanë hedhur në ajër 100 objekte të ISIS-it në Sirinë e Veriut. Sulmin në Stamboll natën e Vitit të Ri e ka marrë përsipër Shteti Islamik, ndërsa këto janë fotot dhe video nga sulmi, pas marrjes së kësaj përgjegjësie,
Mediet perëndimore raportojnë se Turqia ka futur edhe tanke, vetëm pak orë pas sulmit të pamëshirshëm në një prej qyteteve më të rëndësishëm të Turqisë.
Turqia së bashku me Rusinë kanë ndërhyrë në shënjestrat e Shtetit Islamik, ku raportohet se janë vrarë 22 ekstremistë dhe shumë ndërtesa janë shkatërruar.
Fotot tregojnë sulmet në qytetet e al-Bab, Tadif dhe Bzagah. Autoritetet turke po vazhdojnë kërkimet për vrasësin e klubit të natës, i cili sipas të dhënave mbërriti me një taksi në vendin e masakrës.
Sipas ”Daily Mail” një operacion ushtarak nisi më shumë se 4 muaj më parë për të larguar ekstremistët e ISIS-it nga kufiri. Sipas informacioneve sulmet që ju shihni në foto kanë ndodhur fill pas marrjes së përgjegjësisë nga ISIS-i për 39 vrasjet në Stamboll. Turqit dhe rusët kanë kryer operacione më vete, vetëm 1 ditë pas masakrës.
Agjencia ”Anadolu” ka shtuar se avionët luftarakë rusë gjithashtu sulmuan objektivat e ISIS-it në Dayr Kak, disa milje në jugperëndim të Al Bab-it. (V.G/SHUPLAKA)
Discussion about this post