Një aksident është shënuar mëngjesin e sotmë tek “Ura e Gjoles”, ku një shtetas ka humbur kontrollin e mjetit dhe ka dalë nga rruga.
Mësohet se ngjarja ka ndodhur rreth orës 06:30 të mëngjesit të sotëm në aksin rrugor Fushë Krujë – Rinas, ku shtetasi A.B. 32 vjeç, duke drejtuar mjetin tip Peugeot me targa DR 2345 F, ka humbur kontrollin.
Për pasojë kanë mbetur të plagosur pasagjerët K.V. 22 vjeç dhe D.B. 21 vjeç, që ndodhen në Spitalin Ushtarak Tiranë jashtë rrezikut për jetën.
Policia ka kryer shoqërimin e drejtuesit të mjetit dhe ka nisur punën për zbardhjen e ngjarjes. (XH.A/SHUPLAKA)
