Familja e Estref Halilit që u vetëvar një ditë më parë në banjën e burgut të Rrogozhinës, ka hapur së fundmi dyert e mortit.
Mes dhimbes dhe lotësh, familjarët e tij që jetojnë në fshatin Kolonjë të Lushnjës, shprehen se i biri nuk merrej me drogë dhe familja jeton në kushte të vështira ekonomike.
Akuza për drogë janë mohuar edhe nga nëna e 22-vjeçarit që e tronditur për vdekjen e të birit shprehet kështu për një portal online: “Ma morën të gjallë, pse nuk ma sjellin të gjallë? Djali im nuk merrej me gjë, mezi e kam rritur! Ne mezi sigurojmë thesin e miellit.”
22-vjeçari ndërrmori aktin e rëndë ditën e djeshme për shkaqe ende të paditura. Babai i tij Ardian Halili pretendon se shkak është bërë gjendja e rënduar psikologjike, por ky pretendim është hedhur poshtë nga Drejtoria e Burgjeve. (XH.A/SHUPLAKA)
