Drejtori i Aviacionit Civil, Flamur Çelaj së bashku me stafin e këtij institucioni kanë birësuar 2 fëmijë autikë.
Këta fëmijë do të marrin trajtim për një vit në një prej qendrave të specializuara në Tiranë. Mësohet se një punonjës policie dhe një mësuese janë prindërit e fëmijëve autikë.
Aviacioni Civil është institucioni që ka arritur të sigurojë fondet për pagesën e trajtimit.
Sipas Çelaj, akte të tilla bamirësie duhet të kthehen në një traditë të përvitshme.
“Birësimi nënkupton trajtimin për një vit në qendra të specializuara dhe kostot e këtij trajtimi do të mbulohen nga stafi i Aviacionit Civil.
Prindërit, në pamundësi për të bërë asgjë që ta ndyshojnë realitetin për të vegjlit e tyre, falenderojnë Aviacionin Civil dhe apelojnë që edhe fëmijët e tjerë të përfitojnë nga akte të tilla bamirësie.”, është shprehur ai. (D.D/Shuplaka)
Discussion about this post