”Edi Rama po i lëpihet Metës për një mandat të dytë dhe nuk e ka mendjen te ajo çka nxorri zbuluar ky dimër, reforma e dështuar territoriale dhe dështimi i sistemit të shëndetësisë”, ky është konkluzioni i Ervin Salianjit, sekretarit për Aksionin Qytetar në PD, në një shkrim për një gazetë të përditshme.
”Për ironi, Edi Rama është bërë edhe më acarues në këtë acar, duke u shfaqur më shume nëpër hotele luksoze bashkë me ministrat e tij dhe duke bërë llogaritarin e mandateve të ardhshme apo fallxhoren e fatit me Metën. Sepse ankthi i zgjedhjeve, luhatjet e Metës dhe ngritja e opozitës nuk e lënë Ramën të qeverisë. Acari ngriu kështu të gjithë ngrehinën prej kartoni të bojatisur të “rilindjes”, ndërkohë që numërohen kufomat e ngricës dhe paaftësisë qeverisëse.”, shkruan Salianji.
Sipas Salianjit, Rama në vend të zgjidhë situatën, merret me presionin ndaj pronarëve të mediave.
”Por Kryeministri merret me presionin ndaj pronarëve të mediave dhe me persekutimin e gazetarëve që nuk janë në shërbim të tij. Ai përgatitet për Zgjedhje si për Luftë, duke liruar të burgosurit dhe duke u dhënë atyre mundësinë që të rehabilitohen për fushatën zgjedhore që po vjen. Sigurisht, duke u caktuar atyre detyra kriminale për të deformuar procesin e ardhshëm zgjedhor. Rama nuk merakoset që ka dështuar në administrimin e emergjencës kombëtare, që në të vërtetë nuk është as edhe emergjencë, sepse ishte një situatë e paralajmëruar prej kohe. (V.G/SHUPLAKA)
Discussion about this post