Policia e Kosovës është pajisur me armë të gjata dhe të shkurtra të dorës të tipit “Sig Sauer”, markë e njohur amerikane dhe më i preferuara për shqiptarët në tregun kosovar.
Drejtor i përfaqësuesit të licencuar të armëve ‘Reload SHPK’, Shpend Zenuni, ka konfirmuar për gazetametro.net se “rreth 200 armë të gjata nga brendi amerikan “Sig Sauer” janë të kontraktuar nga Policia e Kosovës”.
Ndërsa, për armë të shkurtra të dorës, Policia e Kosovës preferon akoma “Glock”-un, që e mbaë në shërbim që prej themelimit të saj.
“Policia i ka kontraktuar diku rreth 700 copë revole të tipit austriak Glock 17 dhe Glock 19”, ka konfirmuar Zenuni.
Sa i përket preferencës së kosovarëve, ai shprehet se tipi më i kërkuar i armës të shkurtër të dorës në tregun kosovar nga shqiptarët është pistoleta e prodhimit amerikan “Sig Sauer”, për shkak të cilësisë, precizitetit dhe mirëmbajtjes së lehtë të armës. (A.R/SHUPLAKA)
Discussion about this post