Zjarr masiv në nënstacionin e Kasharit, ja zonat pa energji në Tiranë

Një zjarr ka përfshirë nënstacionin e Kasharit në orën 02:35 pas mesnate. Mësohet se janë djegur fidrat 20 kilovolt në nënshtacionin e Kasharit. Ndërkohë, zjarri është shuar me ndihmën e zjarrfikësve,

Lajmi është bërë me dije nga Operatori i Shpërndarjes së Energjisë Elektrike, i cili bëri me dije se po punohet për riparimin e dëmeve serioze, për të cilin thuhet se do të duhen disa orë punë.

Zonat që kanë mbetur pa energji elektrike janë: Kamza, Yzberishti, Kashar dhe pjesa e autostradës deri në Vorë, Mëzez, Unazë e Re. (XH.A/SHUPLAKA)