Arrestohet 45-vjeçari nga Peqini, i dënuar për trafikim të qenieve njerëzore

Policia e Elbasanit ka vënë në pranga një 45-vjeçar nga Peqini të shpallur në kërkim.

Mësohet se Astrit Gaxho ishte dënuar nga Gjykata e Apelit në Romë me 11 vjet dhe 11 muaj burg, për “Organizim të migracionit të paligjshëm” dhe “Trafikim të qenieve njerëzore”. Gaxho pritet të ekstradohet në Itali.

Njoftimi i policisë: 
Kapet dhe ndalohet nga policia një shtetas i dënuar me 11 vjet e 11 muaj burg për “Organizim të migracionit të paligjshëm” dhe “Organizim të trafikimit të qënieve njerëzore”. Sektori Kundër Trafiqeve të Paligjshme, në Drejtorinë Vendore të Policisë Elbasan, bëri ndalimin e shtetasit në kërkim: Astrit Gaxho, 45 vjeç, banues në Peqin. Ndalimi i tij u bë pasi Zyra Qëndrore Kombëtare Interpol Roma e ka shpallur në kërkim ndërkombëtar bazuar në vendimin e Gjykatës së Apelit Romë dhënë më datë 20.04.2016, e cila e ka dënuar me 11 vjet e 11 muaj burg për veprën penale “Organizimi i Migracionit të Paligjshëm” dhe “Organizim I Trafikimit të qenieve njerëzore”.

Në përditësim…(D.D/Shuplaka)