Grabisnin vilat e të pasurve, arrestohen dy shqiptarë në Spanjë

Dy shqiptarë, 25 dhe 30 vjeç, janë arrestuar nga policia spanjolle në Madrid.

Në pak muaj ata dyshohet se kanë grabitur rreth 12 banesa në lagjet e pasura të kryeqytetit spanjoll.

Ata i mbanin nën vazhdim për një farë kohe pronarët, duke studiuar lëvizjet e tyre dhe më pas vepronin rreth orës 19:00-22:00.

Shqiptarët zgjidhnin zakonisht vilat e shtrenjta e pasi kalonin murin rrethues nga dritarja e katit të parë futeshin brenda për të marrë sende me vlerë dhe para, shkruan portali spanjoll Abc.es.

Ka qenë dëshmia e një pronari, të cilit i kishin vjedhur 15 mijë euro stoli, ajo që ka identifikuar dy shqiptarët.

Ende nuk dihet identiteti i shqiptarëve të arrestuar. (A.R/SHUPLAKA)