Udhëtimi i parë i Donald Trump jashtë vendit si Presidenti Shteteve të Bashkuara të Amerikës do të bëhet në Islandë, për të zhvilluar një samit me homologun e tij të ardhshëm rus Vladimir Putin.
Kjo është një lëvizje, që i bën jehonë takimit të Luftës së Ftohtë mes Ronald Reagan dhe Mikhail Gorbachev, në Rekjavik në vitin 1986.
Mediat raportojnë se, ekipi i Trump i ka komunikuar zyrtarëve britanikë se, samiti do të zhvillohet pak javë pasi miliarderi njujorkez, të bëhet president i SHBA.
Duket se kryeqyteti islandez, Rekjavik, konsiderohet si vendi më i përshtatshëm për këtë takim, përderisa edhe 3 dekada më parë, funksionoi mjaft mirë.
Samiti do të jetë një përpjekje për të rivitalizuar raportet e SHBA me Kremlinin, ndaj në axhendë raportohet se përfshihet edhe një pakt për të kufizuar armët bërthamore.
Lajmi vjen teksa Trump vazhdon të përballet me pretendimet se Rusia zotëron materiale komprometuese ndaj tij që mund të përdoren për shantazh.
Takimi Trump-Putin vështirë se do të mirëpritet nga figurat e larta të qeverisë britanike, të cilat druhen se thellimi i raporteve SHBA-Rusi, mund të lërë jashtë Britaninë. Sipas ekspertëve, jo më kot kryeministrja Theresa May, pritet të vizitojë Trumpin në Shtëpinë e Bardhë që muajin e ardhshëm.
Donald Trump bëhet më 20 janar zyrtarisht presidenti i 45-të i SHBA-ve. (A.R/SHUPLAKA)
Ronald Regan dhe Gorbaçov:
Discussion about this post