Trajneri Abelardo Fernandez dhe Sporting Gijon e kanë shkëputur bashkëpunimin midis tyre. Kjo pasi skuadra nuk ka dhënë rezultate të mira këtë sezon. Gijon rrezikon të bjerë nga kategoria sepse ndodhet në vendin e 18-të dhe në 8 ndeshjet e fundit ka humbur 7 të tilla.
Por ky nuk është lajmi kryesor, pasi ajo çfarë ka bërë ish-trajneri, nuk mund ta bënte askush tjetër. Fernandez ka refuzuar të marrë dëmshpërblimin prej 4 milionë eurosh që i takonin si pasojë e prishjes së kontratës në mënyrë të njëanshme.
Arsyeja pse e ka refuzuar sipas tij, është besnikëria që ka për këtë klub dhe se ajo nuk me shumë se asgjë tjetër.
“ Unë qaj për këta njerëz, për këtë klub dhe tifozë, të cilët i dua aq shumë” është shprehur Fernandez.
“ Si një tifoz i sportit, megjithëse kisha një kontratë deri në 2020, nuk mund të pranoja shumën e kompensimit për shkak se i dua këto ngjyra. Kam bërë të njëjtën gjë te klubet që kam trajnuar, dhe nuk mund të ndryshoj tani. Nuk e kam problem të refuzoj paratë. Ka gjëra më të rëndësishme, mbi të gjitha besnikëria ndaj klubit”, e mbyll ish-trajneri.
Abelardo ka luajtur për 5 vite me Gijonin, edhe më pas u bë trajner i këtij ekipi në vitin 2014 duke e sjellë atë në La liga gjatë vitit 2015.
Ish-trajneri i ka ofruar ndihmë ekipit të tij të zemrës, edhe pse nuk është më pjesë e tij. (K.P/Shuplaka)
Discussion about this post