“Europa do të shpërbëhet brenda 3 viteve të ardhshme, përfiton Rusia e Putinit”

Filozofi anglez John Gray, autor i traktateve të suksesit mbi arbitrin e lirë dhe iluzionin e antropocentrizmit, ushqen shumë pak shpresa për Europën.

Ai parashikoi krizën e kapitalizmit global 20 vite para se të ndodhte, fitoren e Trumpit dy muaj para votimit, dhe ka një vizion kundër rrymës që ka rezultuar profetik.

Sipas Gray-t, Europa do të shpërbëhet brenda tri viteve të ardhshme dhe shkak për këtë bën partitë e qendrës që injorojnë dëshirat e elektoratit dhe të ngulitura pas europeizmit të integrimit me çdo kusht, u kanë dhuruar vota ekstremistëve.

Sipas tij, këto elita janë të dënuara të shuhen, duke vënë në rrezik vlerat e lirisë dhe tolerancës. Dhe nga e gjithë kjodo të përfitojë Rusia e Putinit, i cili që tani është më popullor.

Sipas tij, shkak gabimi i Europës që shkakton shkatërrimin e Europës është mungesa e institucioneve të forta në raport me Amerikën që i ka që nga Lufta Civile. Filozofi anglez shprehet se mjafton një rezultat i papritur dhe tregjet do të nxehen. Projekti europian do të vritet nga kombinimi i dy forcave më të fuqishme në botë: rebelimi popullor dhe demokratik, dhe tregjet financiare.

“Tani është vonë. Europa do të shpërbëhet në tre vitet e ardhshme, por elitat liberale vazhdojnë të kenë iluzione. Mendojnë se do ia hedhin. Por, janë të gjitha në rrezik zhdukjeje, përfshirë edhe Merkelin.

Putini është pjesërisht një gabim i Perëndimit, ashtu si ishte imponimi i një reforme ekonomike në Rusi, ku një pjesë e madhe e popullsisë ishte varfëruar. Pavarësisht kësaj, nuk u mbërrit në fashizëm. Sepse ka një dallim mes totalitarizmit dhe autoritarizmit. Sigurisht, Putini udhëheq një kapitalizëm klientelist më të përqëndruar dhe të jashtëligjshëm, se sa cilido vend perëndimor. E megjithatë, sot është më popullor se cilido udhëheqës perëndimor. Liberalët paranojakë thonë që është i rrezikshëm. Po, por për shkak se është shumë inteligjent. Ai e di që vendi i tij varet shumë nga nafta, kështu që përpiqt të krijojë baza të ndryshme për ekonominë e tij, duke e ditur që ka maksimumi dhjetë vite për të bërë diçka.”, shprehet ndër të tjera ai, përcjell bota.al.

Për të gjitha këto kushte të pafavorshme ai fajëson ngurtësinë dhe palëvizshmërinë e partive të qendrës. Ai shprehet se uropa shkon drejt një demokracie joliberale që shtyp disidencën në forma të ndryshme, përmes ndjenjave të vjetra kundër romëve, hebrejve, të huajve.

(XH.A/SHUPLAKA)