Pas të vëllait ka reaguar edhe bashkëshortja e Klement Balilit, e cila shprehet se prej kohësh nuk kontakton me Balilin, të ashtuquajturin “Eskobari i Ballkanit” nga autoritetet greke.
Alma Balili ka kritkuar gjithashtu policinë dhe kontrollin e kryer, duke vijuar të këmbëgulë se nuk e di vendndodhjen e tij dhe kërkon që shteti ta gjejë.
“Që kur u shpall në kërkim nuk ka qenë në shtëpi, unë nuk kontaktoj me tim shoq prej disa kohësh dhe nuk e di se ku është. Shteti të ma gjejë se ku është im shoq”- mësohet të ketë thënë Alma Balili.
Orët e para të mëngjesit të sotëm, Policia e Shtetit në bashkëpunim me Forcat RENEA dhe ato të FNSH –së shoqëruan në komisariat 11 të afërm të Klement Balilit dhe ushtruan kontrolle në disa banesa dhe biznese. (XH.A/SHUPLAKA)
Discussion about this post