Ministri i ri i Drejtësisë Petrit Vasili, i ftuar në studion e emisionit “Opinion” të Blendi Fevziut, foli për çështjen e kanabizimit të vendit dhe presionin e Ramës ndaj Metës.
“Ne kemi detyrën politike që të shohim problemin në sy, është shumë keq e kundërtara, gabim dhe e pafalshme, ne duhet të nxisim institucionet që kanë për detyrë ta parandalojnë atë. Kam një opinion të qartë timin. Politika shqiptare është një trupë e ndershme punonjësish, nuk ka dyshime, por ka oficerë dhe drejtues të caktuar, individë të cilët janë të korruptuar e të lidhur me krimin që kanë mundësuar shtimin dhe jo parandalimin e kultivimit të kanabisit.”, u shpreh Vasili.
Sakaq ai dha edhe një përgjigje, lidhur me deklaratën paralajmëruese që ai u ka bërë për deputetëve të LSI-së “që të kenë kujdes mos policia ju u fut drogë në makinë”. Vasili e mohoi ta ketë thënë një gjë të tillë dhe shtoi se deklarata që ai i ka bërë në mbledhje me dyer të mbyllura, ai nuk i bën publike.
Më pas, gazetari Blendi Fevziu e ngacmoi ministrin e ri nëse kishte përdorur biçikletën për të shmangur futjen e drogës në makinë, Vasili u përgjigj: “Nuk kam bërë një argument të tillë. Po të kisha një qëndrim të caktuar do ta kisha bërë publik. Kamerat e TV klan mund të vërtetojnë fare lehtë me çfarë erdha, unë kam ardhur me automjetin tim.” (D.D/Shuplaka)
Discussion about this post