Ka ndërruar jetë në moshën 50-vjeçare, ish-Prefekti i Durrësit, Genc Alizoti. Lajmi është bërë me dije nga të afërm të tij. Mësohet se Alizoti ka ndërruar jetë mëngjesin e sotëm për shkaqe natyrale, teksa ndodhej në shtëpinë e një kushëriri të tij në Tiranë.
Në tetor 2016, Genc Alizoti dha dorëheqjen nga detyra e drejtorit të Hekurudhës, pas një skandali seksual që e vuri në qendër të opinionit publik.
Video me përmbajtje të turpshme, veprime të kryera në zyrën e tij, u përfol se u bë shkaku i dorëheqjes nga detyra të Alizotit. Ai mori detyrën e kreut të Hekurudhave në tetor të vitit 2013, menjëherë pas ardhjes në pushtet të qeverisë së majtë, si përfaqësues i Lëvizjes Socialiste për Integrim.
Por gjatë karrierës së tij ai ka mbajtur edhe të tjera poste të rëndësishme politike si kryetar i Këshillit Bashkiak dhe prefekt i Durrësit, nga viti 2009 deri në 2013. (XH.A/SHUPLAKA)
Discussion about this post