Deputeti Talulant Balla ka reaguar aspër përsa i përket incidentit të ndodhur sot në Kuvend. Ai e ka quajtur këtë një vepër penale që Noka ka kryer duke gjuajtur Braçen për shkak të detyrës.
Ai i ka quajtur deputetët demokratë kamikazë që synojnë të prishin seancën plenare dhe punimet në komisione me urdhër të Bashës dhe Berishës.
‘’Në një nga Komisionet një nga përfaqësuesit e PD-së ka thyer rregulloren. Ndërsa sot një deputet tjetër demokrat ka goditur deputetin tonë Erion Braçe. Kujtoj se kjo përbën një vepër të rëndë kriminale pasi është ‘’’goditje për shkak të detyrë’’.
Nuk kam parë asnjë deputet që të zëjë foltoren dhe të thojë që këtë vend e ka vetëm Sali Berisha. Kjo histori që këtu uzurpohet foltorja e Kuvendit, goditen deputetët me urdhër të Berishës dhe Bashës për të mbarsur protestat është e papranueshme.
Për sa kohë deputeti Noka nuk zbaton rregulloren e Kuvendit dhe urdhërin e nën-kryetares së Kuvendit nuk mund të ketë një vijimësi të Kuvendit. I bëj thirrje Bashës të heqë dorë nga urdhërat që deputetët të mos kthehen kamikazë që prishin punimet. E gjitha kjo bëhet për të fshëhur ngjarje të rëndësishme që po ndodhin, siç është ajo për CEZ.
Është e turpshme që i bëhet bojkoti i Reformës Zgjedhore. Vettingu në Drejtësi duhet të nis nga Lulzim Basha për vjedhjen në ‘’Rrugën e Kombit’’ dhe ndaj Berishës për dëmet që u ka shkaktuar shqiptarëve. PD-ja do kërkojë që të përjashtohet i gjithë grupi parlamentar i PS-së. vetë Berisha e thyen me të dyja këmbët rregulloren kur flet pafund dhe jo dhjetë minuta’’, ka deklaruar Balla. (E.K/SHUPLAKA)
Discussion about this post