Kryetari i Partisë Demokratike Lulzim Basha, i ka bërë edhe njëherë thirrje policisë së shtetit për të arrestuar agresorët të cilët dhunuan dy vajzat binjake nga Fieri, për arsye se morën pjesë në protestën e 18 shkurtit.
Në një lidhje të drejtpërdrejtë “Tonight Ilva Tare”, Basha tha se sulmi ndaj dy vajzave binjake është i porositur nga kryeministri Edi Rama, ashtu siç sipas tij është i porositur edhe sulmi ndaj Kreshnik Spahiut.
“Pasoja ligjore, politike, pasojat e mosbindjes civile. Për të gjitha llojet. E paligjshme është kur policia mbron kriminelin, kjo është paligjshmëria. Kur shteti, qeveria, Kryeministri shkel Kushtetutën, ligjet. Kur policia bëhet njësh me banditin, atëherë qytetarët marrin në dorë fatin e tyre. Kjo nuk është më qeveri e ligjshme por tirani. Tiranitë përballen me vullnetin e qytetarëve. Thirrja ime për ata oficerë të ndershëm të policisë, që kanë mbetur në radhën e policisë, është të zbatojnë ligjin. Sot nuk po zbatojnë ligjin me urdhër politik. Njihet agresori i dy vajzave, dihet që është porositur politikisht. Siç u porosit personi që dhunoi Spahiun, personi që u fut në çadrën e protestës. Siç u porositën ashtu dhe aktivistët e PS për të bërë diversionin me protestuesit e Zharrzës. Këto janë akte provokimi politik të porositur nga Edi Rama dhe sejvenët e tij. Provokime nuk pranojmë dhe nuk do të pranojmë.”, tha Basha. (D.D/Shuplaka)
Discussion about this post